Misy fihetsika manokana atao ve amin'ny ririnina izay tena firoboroboan'ny virus?

Voalohany indrindra, tadidio fa ilay virus dia tena hatahorana indrindra ho an'ny ankizy taizan'aretina. Noho izany, raha toa ianao miahiahy, ny fanantonana mpitsabo no tena ilaina: izy no hanoro anao eo amin'ny resaka vaksiny, ary koa momba ny "Tamiflu" ho fisorohana.

Ho an'ny ankizy salama tsara, hazavao aminy hoe tsy dia ilaina ny mifampitakosona be loatra amin'ny olona marary, tsy mila mifanoroka amin'ny mpifanolo-bodirindrana izay mikohoka.

Aleo manaraka tsara ny toro mariky ny fahadiovana : indrindra fa ny fanasana ny tanana alohan'ny hisakafoanana, rehefa avy miala bus na métro, ary vantany vao tonga any an-trano.

Ny rano mitsiranodranoka amidy eny amin'ny farmasia dia tiany matetika, afaka ilazanao izy mba hampiasa ireny nefa mila azo antoka tsara hoe ampiasainy araka ny tokony ho izy.

Ezaho ny mba hahampy ny torimasony ary ny mba hisakafoanany araka ny tokony ho izy. Ataovy tafiditry ny rivotra matetika ny efi-trano rehetra.

Ny fisehon'ny aretina dia mitovy amin'ny an'ny grippe tsotra : misy tazo, marary tenda, tsy fahazoana aina. Vao misy grippe ahiana, ezaho halavirina kely ny fianakaviana ilay zaza, aza mandeha any amin'ny toeram-pitsaboana fa antsoy aingana ny mpitsabonareo, izy no honome anareo ny torolalana mila arahina.